Leikjaniðurröðun er klár - spennan magnast

Hér til hliðar á síðunni undir: Gögn - mótið 2015 eru komin þrjú ný skjöl sem veita allar upplýsingar um liðin og leikjaniðurröðun.

Ath. að í skjalinu; Flokkuð leikjaniðurröðun er búið að taka saman leikjadagskrá hvers liðs og hvenær lið eigi að fara í bíó.

Leiknir verða 448 leikir á mótinu og eins og kom fram í fyrri frétt reyndist óhjákvæmilegt að bæta við einum leikvelli til viðbótar, velli 13.  Hann verður staðsettur í íþróttahúsi Myllubakkaskóla sem er merktur nr. 6 á yfirlitsmynd í miðju bæklings. Ath. að Myllubakkaskóli er í 5. min göngufæri við Íþróttasvæðið á Sunnubraut.

Nú er afar mikilvægt að félögin gefi okkur sem nákvæmastar upplýsingar um þann fjölda frá félögunum sem muni gista.  Það er lykilatriði til að skipulagning gistingar geti heppnast sem best.  Þessar upplýsingar eiga þjálfarar liðanna að senda á [e-mail]

Skráningu lokið og niðurröðun stendur yfir.

Frábær þátttaka er á Nettómótið 2015 líkt og áður. Lokað hefur verið fyrir frekari skráningar og leikjaniðurröðun stendur nú yfir. 

23 félög hafi boðað þátttöku sína á mótið og eru 192 keppnislið skráð til leiks þrátt fyrir að mótið sé einungis fyrir 5. bekk og yngri.

Þetta er mun meiri þátttaka en reiknað hafði verið með og því ljóst að áætlun mótshaldara að leika á 12 völlum gengur ekki upp, þar sem leika þarf 450 leiki á mótinu. Velli nr. 13 verður því bætt á nýjan leik inn í dagskránna en það skýrist ekki fyrr en á morgun, mánudag hvar völlur 13 verður staðsettur.

Félögin sem hafa boðað komu sína á Nettómótið 2015 eru:

Ármann, Breiðablik, Fjölnir, FSu, Grindavík, Haukar, Hörður, Höttur, ÍA, ÍR, Keflavík, KFÍ, KR, Laugdælir, Njarðvík, Skallagrímur, Sindri, Snæfell, Stjarnan, Valur, Víðir, Þór Akureyri, og Þór Þorlákshöfn.

 

Lokadagur skráningar er á föstudagskvöld til kl. 22.00

Lokadagur skráningar á Nettómótið 2015 er til kl. 22.00 á föstudagskvöld, 27. janúar. Strax í kjölfarið hefst leikjaniðurröðun. 

Undirbúningur gengur annars ljómandi vel og fjölmargir ungir iðkendur orðnir gríðarlega spenntir og farnir að telja niður dagana.

Búið er að skipuleggja kvöldvökuna og þar munu skemmtikraftar troða upp sem ALLIR þekkja alveg örugglega.

Gamli góði hoppukastalinn í Reykjaneshöllinni verður á sýnum stað að venju og er enn lengsti hoppukastali landsins.

Honum til viðbótar höfum við bætt við, ekki einum svakalegum kastala, heldur tveimur hrikalegum hoppuköstulum til að fullkomna fjörið.

Þetta eru kastalarnir OFURÞRAUTABRAUTIN og STÓRI SVALINN sem ætla að mynda ævintýralegt kastalatríó með REYKJANESRISANUM.

 

Nettómótið 7.-8. mars 2015 verður 25 ára afmælisveisla

Kæra körfuboltafólk

Undirbúningur fyrir Nettómótið 2015 er kominn vel áleiðis og ekkert verður slegið af frekar en á fyrri mótum, enda eigum við 25. ára afmæli og ætlum að fagna því. Verið er að ganga frá skemmtiatriðum á kvöldvöku, bíómyndum o.fl.og alveg ljóst að fjölskyldan á úrvals mót í vændum.

Munið einnig að mótið í ár verður aðeins aðgengilegt fyrir 10. ára og yngri (5.bekk).

Mótsbæklinginn og auglýsingaplagat mótsins má sjá hér til hliðar á síðunni undir:Gögn mótsins 2015. Bæklingurinn fer síðan í dreifingu upp úr 9. febrúar um leið og opnað verður fyrir skráningu. Skráningarblað með öllum helstu upplýsingum verður sent að venju á þjálfara/forráðamenn félaganna með tölvupósti. 

Síðasta tækifæri þjálfara/forráðamanna félags til að skrá lið til keppni er á miðnætti föstudaginn 27. febrúar.

Fylgist með hér á heimasíðu mótsins á komandi vikum

Takk fyrir okkur

Þá er Nettómótinu 2014 lokið. Sunnudagurinn var heldur svalari og vindasamari en sólglaði laugardagurinn og m.a. þurfti að reisa við fánaborgir sem höfðu farið á hliðina um nóttina við Háaleitisskóla á Ásbrú.

Mótahaldið byrjaði engu að síður á slaginu 8.00 líkt og aðrir viðburðir mótsins og gestirnir tíndust til leiks einn af öðrum.

Á endanum reyndust keppnisliðin vera 206 og leiknir voru 488 leikir á 31. klukkustund en 1.255 keppendur léku á mótinu, þeir yngstu 5 ára. 

Mótið gekk frábærlega frá bæjardyrum mótshaldara séð. Ekki er vitað um nein stærri skakkaföll en einn og einn plástur sem þykir nú vel sloppið þar sem álíka orka er leyst úr læðingi eins og á þessum tveimur sólarhringum. Allir keppendur voru verðlaunaðir í mótslok með gullpening um hálsinn og glænýjum körfubolta í boði aðalstyrktaraðila mótsins, NETTÓ.

Óskilamunum er safnað saman í Íþróttahúsinu við Sunnubraut, sími 421 1771

Næsta Nettómót verður 25. ára afmælismót, haldið 7.-8. mars 2015.  Verið hjartanlega velkomin í þá miklu veislu að ári.

TAKK FYRIR OKKUR 

Barna- og unglingaráð Körfuknattleiksdeilda Keflavíkur og Njarðvíkur

Góður dagur að baki

Flautað var til leiks á Nettómótinu stundvíslega kl. 8.00 í morgun og hefur dagskrá gengið afskaplega vel og hnökralaust fyrir sig á öllum vígstöðvum. 

Veðrið hefur verið frábært í Reykjanesbæ í dag og hafa allir vellir utandyra verið vel nýttir eins og Vatnaveröld þar sem fólk hefur notið sólarinnar.

Kvöldvökunni lauk kl. 9.30 skv. áætlun en það voru sprelligosarnir Sveppi og Villi sem héldu uppi fjörinu með dyggri aðstoð nokkurra körfuboltakappa. Eftir skúffuköku, mjólk og vandaða tannburstun eru kempur dagsins komnar í koju til að safna kröftum fyrir veislu morgundagsins.

Takk fyrir frábæran dag ágætu gestir og eigið yndislega nótt.

Risafréttir úr Reykjaneshöll ofl.

Gamli góði hoppukastalinn í Reykjaneshöllinni verður á sýnum stað að venju og er enn lengsti hoppukastali landsins.

Haldið ykkur nú........honum til viðbótar höfum við ákveðið að bæta við, ekki einum svakalegum kastala, heldur tveimur hrikalegum hoppuköstulum til að fullkomna fjörið.

Þetta eru kastalarnir OFURÞRAUTABRAUTIN og STÓRI SVALINN sem ætla að mynda ævintýralegt kastalatríó með REYKJANESRISANUM.

Annað: 

INNILEIKJAGARÐURINN verður opinn frá 14.00-16.30 bæði laugardag og sunnudag þannig að opnunartíminn sem auglýstur er í mótsbæklingi er ógildur. 

FJÖRHEIMAR sem er félagsmiðstöð við UNGMENNAGARÐINN verður opin mótsgestum frá kl. 12.30-16.30 á laugardeginum.  Þar má finna ýmislegt til afþreyingar.

Bílstjórar:

Leggið löglega við öll tækifæri. 

Allt til reiðu og landsbyggðagestir komnir í hús

KFÍ, Sindri, Skallagrímur, Snæfell, Þór Akureyri og Höttur eru öll mætt á svæðið og er sérstaklega ánægulegt að sjá myndarlegan hóp frá KFÍ í húsi þar sem veðurútlitið fyrir vestan var nú ekkert allt of gott í gærkvöldi og mjög tvísýnt um ferðamöguleika.

Mótshaldarar eru annars búnir að gera allt klárt fyrir morgundaginn og hlakka til að eiga með ykkur stórkostlegan dag á morgun kæru gestir.

Megi leikgleðin verða í fyrirrúmi.

 

Gististaðir liða eru klárir - Munið að ganga vel um skólana

Hér að neðan má sjá gististaði liða á mótinu.  Í skólunum sjálfum verða stofur merktar viðkomandi liðum. Í stórum dráttum eru gististaðir liða á eftirfarandi stöðum:

Holtaskóli:

Breiðablik, KFÍ, Sindri, Skallagrímur, Snæfell, Laugdælir (UMFL) og Þór Akureyri

Heiðarskóli:

KR

Myllubakkaskóli:

Höttur, Haukar, Fjölnir, ÍA og ÍR

Akurskóli:

Valur

Njarðvíkurskóli:

Ármann, FSu, Grindavík, Stjarnan og Þór Þorlákshöfn

Íþróttahús Njarðvíkur:

Kormákur

Björkin (rétt við Njarðvíkurskóla):

Reykdælir og UMF Hekla

Þegar lið mæta til gistingar eru þau beðin að hafa samband við;

• Valþór í síma 697 9797

MUNA SVO KÆRU GESTIR:

• Að ganga vel um skólana og þeirra eigur.
• Hafa stofurnar læstar þegar enginn er inni í þeim.
• Bannað er að flytja þau húsgögn fram á gang sem eru fyrir í stofunum.
• Virða aðgangsstýringar umsjónarmanna (ekki nota aðra útganga en til er ætlast).
• ATH. að bannað er að leika sér með bolta í skólunum.
• Vera búin að taka föggur sínar úr stofunum og setja fram á gang fyrir lokaathöfn svo hægt sé að byrja að þrífa skólanna.

Tilkynning frá mótshöldurum: Breytt fyrirkomulag Nettómótsins 2015

Á fundi mótanefndar fyrr í vikunni var tekin sú RISASTÓRA ákvörðun, að Nettómótið 2014 verði síðasta mótið  að sinni þar sem 11 ára börn ( 6. bekkur) eru gjaldgeng. 

Á afmælismótinu 2010 fór keppendafjöldinn í fyrsta skipti yfir þúsund iðkendur og frá þeim tíma hefur orðið áframhaldandi aukning.  Nú er svo komið að ekki reynist unnt að koma öllum þeim liðum á mótið sem hafa óskað eftir þátttöku og það þykir okkur mótshöldurum ákaflega miður, stærð mótsins er einfaldlega komin að þolmörkum.

Á sama tíma hefur hlutfall elsta árgangsins minnkað á mótinu, sem er e.t.v. eðlilegt í ljósi þess að sá árgangur leikur reglulega á Íslandsmóti auk fjölgandi minniboltamóta félaganna.   Við teljum þessa ákvörðun því rökrétt framhald á þróun mótsins, enda viljum við umfram allt halda gæðum þess samkvæmt okkar kröfum frekar en  nokkuð annað.  Komandi mót er því síðasta Nettómót barna fæddra 2002 og 2003.

Nettómótið 2015 verður 25 ára afmælismót, haldið 7.-8. mars.  Það mót verður alvöru RISASTÓR veisla fyrir börn fædd 2004 og síðar og þeirra aðstandendur.

Okkar bestu kveðjur og velkomin til Reykjanesbæjar um helgina.

Mótanefnd Nettómótsins.