Mótið rúllar og allt hefur gengið vel

Þrátt fyrir sunnan slagveður í Reykjanesbæ í dag hafa keppendur á Nettómótinu 2011 haldið sínu striki enda fer mótið allt fram innanhúss. M.a. brotnaði öflug fánastöng á lóðinni hjá Heiðarskóla sem lýsir ágætlega hversu hressilega veðurguðirnir blésu í dag. Í þessum töluðu orðum er veðrið farið að ganga talsvert niður og tappi hefur verið settur í mest alla úrkomu.

U.þ.b. 1.200 keppendur eru á mótinu og fjöldinn allur af aðstandendum. Allt hefur gengið upp þó auðvitað komi upp eitt og eitt verkefni sem þarf að leysa með bros á vör.  Tekist hefur að koma 1.000 gestum í gistingu sem fer fram á 7 stöðum í bæjarfélaginu. Leikið verður á öllum völlum til 19.30 í kvöld og ekkert gefið eftir. Kvöldvakan hefst síðan kl. 20.30. 

Athugasemdir

[Stelpa (IP-tala skráð) 8.3.2011 kl. 20:26]

mótið var skemmtilegt en soldið fúlt fyrir 1-2´lið sem fengu ekki metalíu en liðið mitt er mjög sátt við mótið

[Vefstjóri (IP-tala skráð) 16.3.2011 kl. 00:02]

Þar sem fleiri komu á mótið en við reiknuðum með dugðu medalíurnar ekki.  Við pöntuðum hins vegar fleiri medalíur um leið og við sáum að við hefðum ekki nógu margar.  Það tekur okkur tvær vikur á fá þær til landsins, alla leið frá Kína og í þessari viku munu allir fá sinn pening sem áttu eftir að fá.