Allt komið á fulla ferð fyrir Nettómótið 2019

Nú erum við byrjuð að hlaða inn upplýsingum fyrir næsta Nettómót sem verður 2.-3. mars n.k.í Reykjanesbæ. Að sjálfsögðu er markmið okkar líkt og áður, að mótið verði frábær upplifun fyrir alla sem sækja okkur þessa hátíðarhelgi. Það verður ekkert slegið af.

Síðasta tækifæri þjálfara/forráðamanna félags til að skrá lið til keppni er til fimmtudagsins  21.febrúar kl. 22.00. Um leið hefst vinna við flókna niðurröðun í bíó og leiki.

ATH. að útilokað er að taka við skráningum eftir að niðurröðun hefst.

Hér til hliðar á síðunni undir Gögn-mótið 2019 má nálgast auglýsingu mótsins, upplýsingar um skráningu, bíómyndir o.fl. Bækling mótsins má nálgast rafrænt á sama stað síðar í vikunni og hann mun síðan fara í dreifingu til félaganna um næstu helgi.

Skráning liða verður rafræn og hlekkur á hana er einnig til hliðar á síðunni. Athugið að einungis er hægt að skrá lið til keppni í hverjum aldursflokki, ekki einstaklinga.  Frekari fyrirspurnir er hægt að senda á mótsstjórn á netfangið [e-mail].

Fylgist með hér á heimasíðu mótsins á komandi dögum, frekari upplýsingar verða settar inn um leið og þær liggja fyrir.

Bestu kveðjur

KarfaN, hagsmunafélag