Niðurröðun lokið - Líf & fjör framundan

Leikjaniðurröðun liða er lokið og hér til hliðar eða neðst á síðunni undir "Gögn-mótið 2025" má finna flokkaða niðurröðun hvers liðs ásamt dagskránni í 88 húsinu.  Stóra leikjaplanið með öllum völlum verður síðan aðgengilegt á síðunni í kvöld auk frekari dagskrárupplýsinga og tímasetninga. Leikið verður á 18 leikvöllum í ár í 6 íþróttahúsum. Öll lið fá að lágmarki 5 leiki og flest lið í 1.-2.bekk 6 leiki. Í ár tökum við nýtt og glæsilegt íþróttahús í Innri Njarðvík í notkun, IceMar Höllina en þar verða 4 leikvellir (15-18). Þar munu fara fram flestir leikir í 1. og 2. bekk.

 

Þar sem við höfum nú fleiri velli til umráða en áður getum við aukið flæðið á mótinu enn frekar og mun lokaathöfn mótsins hefjast kl. 14.15 í ár og mótsslit verða kl. 14.50 á sunnudag.

 

Alls eru liðin í mótinu 243 og leikir á dagskrá eru 692.  Ef lið forfallast verður öðrum liðum innan sama árgangs boðið að hlaupa í skarðið ef þau hafa tækifæri til.

Við hvetjum jafnframt alla til að kynna sér alla afþreyingu sem er innifalin í mótinu eins og Hoppukastalagarðinn sem settur verður upp í Reykjaneshöll og Vatnaveröld sundmiðstöð þar sem m.a. eru nýjar magnaðar rennibrautir auk þess sem nýja WipeOut brautin verður aftur sett upp í innilauginni. Það er þó það skilyrði sett að einungis syntir keppendur fá aðgang í hana.  Í 88 húsinu verðum við með dagskrá fyrir keppendur sem verður kynnt fljótlega.

Hlökkum til að sjá ykkur og  við ætlum okkur að halda flott og skemmtilegt Nettómót líkt og áður.

Kv.

KarfaN,hagsmunafélag