Þakkir í mótslok 2009

Nú þegar 19. Samkaupskaupsmótinu er lokið vilja mótshaldarar þakka þátttakendum fyrir frábæra frammistöðu og sinn þátt í að gera þetta mót að einstakri upplifun. Umgengni var til fyrirmyndar og mótið gekk vel í alla staði.

836 þátttakendur mættu til leiks, mynduðu 131 keppnislið og spilaðir voru 313 leikir um helgina.

Við viljum þakka eftirtöldum félögum fyrir þátttökuna: Álftanes, Ármann, Breiðablik, Fjölnir, FSU, Grindavík, Haukar, Hekla, Hörður, ÍBV, Keflavík, Kormákur, KR, Njarðvík, Reykdælir, Reynir, Sindri, Stjarnan, Tindastóll, Valur og Þór Ak.

Myndir frá mótinu má finna á eftirtöldum vefsíðum:
karfan.is -> Myndasafn 1  Myndasafn 2
vf.is -> Myndasafn 1  Myndasafn 2
samkaupsmot.blog.is -> Myndasafn

Við vonumst til að sjá ykkur sem flest á 20. Samkaupsmótinu í mars á næsta ári.

Barna- og unglingaráð Keflavíkur og Njarðvíkur

Athugasemdir

[Heiða Gunnars (IP-tala skráð) 12.3.2009 kl. 09:45]

Þetta var frábært mót og eiga allir sem að því komu mikið hrós skilið.  Skemmtilegt að skoða myndirnar, ég sakna þess þó að sjá engar myndir úr Akurskóla í neinum af þessum myndasöfnum, það væri gaman ef hægt væri að fá einhverjar myndir þaðan.  Ég sá örugglega Hrannar úr Njarðvík með myndavél þar, spurning hvort hann væri ekki til í að láta ykkur fá myndir til að setja inn á síðuna.  Kv, Heiða.