Takk fyrir okkur

Þá er Nettómótinu 2014 lokið. Sunnudagurinn var heldur svalari og vindasamari en sólglaði laugardagurinn og m.a. þurfti að reisa við fánaborgir sem höfðu farið á hliðina um nóttina við Háaleitisskóla á Ásbrú.

Mótahaldið byrjaði engu að síður á slaginu 8.00 líkt og aðrir viðburðir mótsins og gestirnir tíndust til leiks einn af öðrum.

Á endanum reyndust keppnisliðin vera 206 og leiknir voru 488 leikir á 31. klukkustund en 1.255 keppendur léku á mótinu, þeir yngstu 5 ára. 

Mótið gekk frábærlega frá bæjardyrum mótshaldara séð. Ekki er vitað um nein stærri skakkaföll en einn og einn plástur sem þykir nú vel sloppið þar sem álíka orka er leyst úr læðingi eins og á þessum tveimur sólarhringum. Allir keppendur voru verðlaunaðir í mótslok með gullpening um hálsinn og glænýjum körfubolta í boði aðalstyrktaraðila mótsins, NETTÓ.

Óskilamunum er safnað saman í Íþróttahúsinu við Sunnubraut, sími 421 1771

Næsta Nettómót verður 25. ára afmælismót, haldið 7.-8. mars 2015.  Verið hjartanlega velkomin í þá miklu veislu að ári.

TAKK FYRIR OKKUR 

Barna- og unglingaráð Körfuknattleiksdeilda Keflavíkur og Njarðvíkur

Athugasemdir

[Þóra (IP-tala skráð) 3.3.2014 kl. 11:34]

vildi bara láta vita að mótið var frábært í heild sinni, en ef þið voruð ekki búin að fá athugasemdir, þá var kortið af ásbrú/háaleitisskóla ekki rétt og var háaleitisskóli merktur inná þar sem sporthúsið er

vona að það hafi ekki komið að sök