Góður dagur að baki

Flautað var til leiks á Nettómótinu stundvíslega kl. 8.00 í morgun og hefur dagskrá gengið afskaplega vel og hnökralaust fyrir sig á öllum vígstöðvum. 

Veðrið hefur verið frábært í Reykjanesbæ í dag og hafa allir vellir utandyra verið vel nýttir eins og Vatnaveröld þar sem fólk hefur notið sólarinnar.

Kvöldvökunni lauk kl. 9.30 skv. áætlun en það voru sprelligosarnir Sveppi og Villi sem héldu uppi fjörinu með dyggri aðstoð nokkurra körfuboltakappa. Eftir skúffuköku, mjólk og vandaða tannburstun eru kempur dagsins komnar í koju til að safna kröftum fyrir veislu morgundagsins.

Takk fyrir frábæran dag ágætu gestir og eigið yndislega nótt.

Athugasemdir

[Bogi Auðarson (IP-tala skráð) 2.3.2014 kl. 19:44]

Sælir

Til hamingju með flott mót.

Strákurinn minn var einn að þeim sem aðstoðu Sveppa undir körfunni á kvöldvökunni.

Hann skoraði í körfuna óumbeðið og Sveppi bað hann um að ekki vera niðulægja sig :).

Við foreldranir vorum ekki á kvöldvökunni en fjölskyldunni langar að eiga myndskeið af þessari aðstoð hjá stráknum. .

Eigið þið eitthvað efni frá kvöldinu?

Kveðja

Bogi Auðarson

[e-mail]

8631970

[Jón Ben (IP-tala skráð) 3.3.2014 kl. 13:11]

F.h. mótanefndar.

Það var ekki verið að taka neitt markvisst upp en ég skal kanna hvort einhver eigi myndskeið fá þessu.