LOKADAGUR skráningar er í dag........

Skráningu á Nettómótið 2013 lýkur í kvöld kl. 22.00. Í kjölfarið tekur hinn þrautreyndi púslari Falur Harðarson til óspilltra málanna við að raða niður á fimmtahundrað leikjum, þar sem allt þarf að falla sem flís við rass við heildardagskrá mótsins.

Undirbúningur er annars í föstum skorðum enda margir lykilstarfsmenn mótsins búnir að vinna við það í áraraðir. Það verður þó að segjast að við erum komin með fiðring erum farin að hlakka mikið til mótahaldsins. 

Ungir iðkendur heimaliðanna eru einnig orðnir vel spenntir, búnir að mæta vel á æfingar og farnir að telja niður dagana.

Fleiri fréttir fljótlega...............

Skráning opnar n.k föstudag, 8. febrúar

Opnað verður fyrir skráningar föstudaginn 8. febrúar og síðasta tækifæri þjálfara/forráðamanna félags til að skrá lið til keppni er á miðnætti föstudaginn 22. febrúar.

Skráningarblað með öllum helstu upplýsingum verður sent að venju á þjálfara/forráðamenn félaganna með tölvupósti miðvikudaginn 6. febrúar. Bæklingur mótsins og skráningarblað verður einnig aðgengilegt á heimasíðunni frá og með sama degi.

Bæklingur mótsins mun síðan fara í dreifingu föstudaginn 8. feb. þannig að flestir ættu að hafa fengið hann í hendurnar um eða rétt eftir helgina. 

Frekari upplýsingar fara í loftið um leið og ástæða þykir til.

 

Nettómótið 2.-3. mars 2013 - undirbúningur hafinn

Kæru körfuboltaunnendur

Undirbúningur fyrir Nettómótið 2013 er kominn á fullt og verður mótið með sömu gæðum og áður. Mótsbæklingurinn fer í dreifingu upp úr 8. febrúar og verða öll félög væntanlega komin með hann í hendurnar í s.l. 12. febrúar.

Fylgist síðan með hér á bloggsíðu mótsins -  Frekari upplýsingar verða settar inn um leið og þær liggja fyrir.

Allt rúllar og börnin brosa út að eyrum

Blíðskaparveður hefur verið í Reykjanesbæ í allan dag og hefur Nettómótið hefur rúllað af mikilli mýkt í takti við sólsátta veðurguði.

Börnin njóta sín vel á mótinu og hafa jafnvel brugðið sér í körfu utandyra í einstaka pásum.  Pislahöfundi þótti skondið að heyra einn Fjölnispeyjann spyrja þjálfara sinn áðan, hvort hann fengi ekki að vera með tveimur nafngreindum félögum sínum í liði á Nettómótinu næsta ár. Hann var greinilega ekki í vafa hvort hann myndi mæta aftur að ári.

Í hádeginu fengu allir körfuboltapastasúpu, brauð og ávexti við góðar undirtektir. Nú fer að líða að kjötbollunum sem byrja að poppa ofan í liðið kl. 18.00 en leikjum dagsins lýkur kl. 19.30.

Eina sem hefur skyggt á veðursælan dag er áhlaup sem laganna verðir gerðu á bílastæði við íþróttahúsin í dag, en talsverður fjöldi gesti fékk sekt fyrir að leggja ólöglega, og þykir okkur mótshöldurum það miður og könnumst ekki við slíkt átak áður á Nettómóti. Greinilega lengi von á einum.

Við viljum biðja gesti að huga vel að því að legga löglega framan við íþróttamannvirkin og bendum fólki jafnframt á bílastæðin ofan við Fjölbrautarskólann og neðan við Vatnaveröld - Sundmiðstöð.

Gististaðir liða

Gististaðir liða verða á eftirtöldum stöðum;

Holtaskóli:

KFÍ, Kormákur, Þór Akureyri, Snæfell, Skallagrímur, Ármann, Höttur og Sindri

Heiðarskóli:

Haukar og KR

Myllubakkaskóli:

Stjarnan og Grindavík

Njarðvíkurskóli:

UMF. Hekla, Hörður, Fjölnir, Breiðablik, Valur og ÍR

Íþróttahús Njarðvíkur:

Þór Þorlákshöfn

Þegar lið mæta til gistingar eru þau beðin að hafa samband við;

• Hjörvar í síma 692 2726
• Tryggva í síma 617 8931.

MUNA SVO KÆRU GESTIR:

• Að ganga vel um eigur skólanna.
• Hafa stofurnar læstar þegar enginn er inni í þeim.
• Virða aðgangsstýringar umsjónarmanna (ekki nota aðra útganga en til er ætlast).
• Vera búin að taka föggur sínar úr stofunum og setja fram á gang fyrir lokaathöfn svo hægt sé að byrja að þrífa skólanna.

Leikjaniðurröðun - UPPFÆRT

Því miður þurfti að gera smávægilegar breytingar á leikjaniðurröðun og hefur hún áhrif á eftirfarandi stúlknalið;

Keppnislið - Kyn - Árgangur

Fjölnir 14 - ste - 2000

Fjölnir 19 - ste - 2004

Grindavík 7 - ste - 2000

Haukar 10 - ste - 2000

Keflavík 12 - ste - 2000

KR 12 - ste - 2000

Njarðvík 15 - ste 2004

Njarðvík 8 - ste - 2000

Skallagrímur 7 - ste - 2000

Stjarnan 15 - ste - 2000

Valur 5 - ste - 2000

Leikjaniðurröðun er klár, bíó og fleira.

Þá er leikjaniðurröðunin komin á síðuna undir, Gögn - mótið 2012. Þar má einnig sjá allar upplýsingar um  keppnisliðin, bíóferðir liða og tilkynningu frá Draumaliðinu.

Nú er m.a. unnið í skipulagningu gistingar liða í skólum bæjarins. Það skipulag verður sett á heimasíðuna á morgun, föstudag um leið og það telst fullsmíðað.

Það liggur þó fyrir að þau lið sem koma á föstudagskvöldinu munu gista í Holtaskóla við Sunnubraut.

Þeir foreldrar sem ætla að dekra verulega við sig og taka virkilega Notalega nótt á Nettómótinu er bent á www.kef.is

Munið síðan yfirlitskortið í miðju mótsbæklingsins - Það hjálpar ykkur að taka réttar stefnur á alla lykilstaði mótsins :)

Draumaliðið.is verður á Nettómótinu

Draumaliðið.is verður á Nettómótinu í ár og mun mynda alla leikmenn og öll lið á mótinu. Þetta verður frumraun þeirra félaga á körfuboltamóti en þeir hafa verið undanfarið við æfingar á fjölliðamótum KKÍ fyrir Nettómótið 2012.

Draumaliðið.is mun verða í merktum vestum við sín störf á mótinu og allir þjálfarar og liðstjórar eru beðnir um að dreifa leiktímanum sem jafnast milli sinna leikmanna þegar Draumaliðið myndar þeirra lið í leik.

Niðurröðun leikja verður komin á síðuna í kvöld

Þá er niðurröðun leikja og bíóferða svo gott sem lokið. Aðeins er eftir að fara vandlega yfir allar tímasetningar og árekstrarprófa alla dagskránna.

Um leið og því lýkur fer þetta á síðuna undir Gögn - mótið 2012.  Þetta verður sem fyrr segir annað hvort seinnipartinn í dag eða í kvöld.

Skráningum lokið - Niðurröðun hafin

Lokað hefur verið fyrir frekari skráningar á Nettómótið 2012. Frábær þátttaka er sem fyrri daginn og hafa 179 keppnislið verið skráð til leiks frá 22 félögum. 

Félögin sem taka þátt í ár eru eftirfarandi:

Ármann, Breiðablik, Fjölnir, Grindavík, Haukar, Hörður, Höttur, ÍR, Keflavík, KFÍ, Kormákur, KR, Njarðvík, Sindri, Skallagrímur, Snæfell, Stjarnan, UMF Hekla, Valur, Víðir, Þór Akureyri, og Þór Þorlákshöfn.