Leikjaniðurröðun lokið

Þá liggur leikjaniðurröðun fyrir og hér til hliðar á síðunni undir Gögn - mótið 2020 er skalið FLOKKUÐ leikjaniðurröðun 2020.  Þar er búið að setja saman leikjadagskrá hvers liðs og hvenær á að fara í bíó.

Þjálfarar og forráðamenn liðanna fá niðurröðunina jafnframt senda í tölvupóti og eru beðnir að yfir fara vel dagskrá sinna liða og ef einhverjar athugasemdir koma upp skal senda þær á Krstjönu mótsstjóra leikjadagskrár á netfangið [e-mail].

Heildarfjöldi leikja er 701. 

Heildarfjöldi liða er 276 frá 25 félögum.

Vellir 1-6 eru í Blue höllinni á Sunnubraut í Keflavík.

Vellir 7-8 eru í Íþróttahúsinu í Njarðvík

Vellir 9-10 eru í Íþróttahúsi Heiðarskóla Keflavík

Vellir 11-12 eru í Íþróttahúsi Akurskóla í Njarðvík

Völlur 13 er í Íþróttahúsi Myllubakkaskóla í Keflavík

Vellir 14-15 eru í Íþróttamiðstöðinni í Garði, Suðurnesjabæ sem er í 10 min. aksursfjarlægð frá Keflavík. Keppendur geta jafnframt farið í sund þar ef þeir vilja.

Verðlaunaafhenting og mósslit verða kl. 16.00 í Blue höllinni á sunnudag.

Skráningum lokið - 25 félög mæta til leiks í 276 liðum - Niðurröðun hafin

Nú hefur verið lokað fyrir skráningu og vinna við niðurröðun leikja og bíó hafin. 

Frábær þátttaka er á mótið líkt og undanfarin ár en alls hafa 276 lið skráð sig til leiks frá 25 félögum sem er fjórum liðum betur en 2019.

Búið er að gefa út lista yfir öll þátttökulið félaganna á heimasíðunni en allflestir þjálfarar forráðamenn hafa þegar gefið staðfestingu á réttri skráningu í dag með tölvupóstsamskiptum. Vinsamlegast rennið samt vinsamlegst yfir ykkar lið á listanum

Takk fyrir góðar viðtökur og við munum leggja okkur fram um að allir eigi gott mót líkt og áður.

Félögin 25 sem hafa boðað komu sína á Nettómótið 2020 eru:

Ármann, Breiðablik, Fjarðabyggð, Fjölnir, Grindavík, Hamar, Haukar, Höttur, ÍA, ÍR, Keflavík, KR, Laugdælir, Njarðvík, Reykdælir, Selfoss, Sindri, Skallagrímur, Snæfell, Stjarnan, Tindastóll, Valur, Vestri, Þór Akureyri, og Þór Þorlákshöfn.

Setjum inn frekari upplýsingar um leið og þær liggja fyrir.

KarfaN, hagsmunafélag

Barna- og unnglingaráð Keflavíkur og Njarðvíkur.

 

Lokadagur skráninga runninn upp

Rífandi gangur er í skráningum á mótið en lokadagur skráninga er í dag, fimmtudaginn 27. febrúar.

KarfaN, hagsmunafélag

Nýjustu fréttir varðandi skráningu o.fl.

Nú eru línur farnar að skýrast þegar undirbúningur Nettómótsins 2020 er kominn á fulla ferð.

Hér til hliðar á síðunni undir Tenglar/Gögn mótið 2020 er að finna skjal með upplýsingum um skráningu, mótsgjald, bíó o.fl. (Upplýsingar um mótið 2020)

Helstu tímalínur framundan eru:

• Opnað verður fyrir rafræna skráningu mánudaginn 10. febrúar á heimasíðunni og mótsbæklingurinn verður einnig aðgengilegur frá sama tímapunkti, rafrænt.
• Mótsbæklingurinn mun fara í dreifingu til allra félaga frá og með 14. febrúar.
• Lokafrestur þjálfara og forráðamanna til skráninga er fimmtudaginn 27. febrúar kl. 22.00. Ath. að aðeins er hægt að skrá lið, ekki einstaklinga.

Fylgist með hér á heimasíðu mótsins á komandi dögum, frekari upplýsingar verða settar inn um leið og þær liggja fyrir.

Bestu kveðjur

KarfaN, hagsmunafélag

30. ára afmæli - Nettómótið 2020 verður haldið 7.-8. mars

Nú er undirbúningur Nettómótsins 2020 hafinn en þetta verður 30. mót félaganna og fer fram þann 7.-8. mars n.k.

Reiknað má með að öllu verði tjaldað til á þessum tímamótum og allir fái fyrirtaks körfubolta- og fjölskylduhátíð þessa helgi í Reykjanesbæ.  

KarfaN, hagsmunafélag

Óskilamunir á Nettómótinu 2019

Eins og alltaf þegar margir koma saman á Nettómóti vill það brenna við að eitthvað gleymist enda fjörið mikið. Eitthvað af óskilamunum hefur nú safnast upp og hefur þeim verið safnað saman í Íþróttahúsinu Sunnubraut, sími 421 1771.

Meðfylgjandi mynd sýnir það sem safnað hefur verið saman.

Gististaðir liða á Nettómótinu 2019

Þau félög sem hafa bókað valin lið í gistingu á mótinu munu gista á eftirtöldum stöðum:

Í Holtaskóla við Sunnubraut:

Vestri, Hamar, Fjarðabyggð, Laugdælir, Sindri, Þór Akureyri, Skallagrímur, Reykdælir, Haukar og Valur.

Í Njarðvíkurskóla:

KR, Grindavík, Tindastóll, Selfoss, Þór Þorlákshöfn, Ármann, Stjarnan, Breiðablik, ÍA og Höttur.

Í Akurskóla Njarðvík:

ÍR

Gististjórar eru Guðný Björg og Kristín Blöndal, 661 4643/[e-mail]

Mikilvægt er að vel sé gengið um skólana og stofum sé skilað í því ástandi sem komið var að þeim.

Mikilvægt er að ábyrgur aðili fylgi hverju liði. Ábyrgðaraðili yfir börnum sem gista þarf að hafa náð 18 ára aldri.

 

Ýmsar gagnlegar upplýsingar og tímasetningar fyrir mótið 2019

Hér til hliðar á síðunni undir Gögn - mótið 2019 er skjal sem allir þurfa að renna yfir sem heitir hvorki minna en:

Ýmsar gagnlegar upplýsingar og tímasetningar fyrir mótið 2019

Kvöldvakan verður dúndur - JóiPé og Króli loka kvöldinu

Það verður ekkert gefið eftir á kvöldvökunni sem hefst kl. 8.30 á laugardagskvöldinu og líkur samkvæmt venju kl. 21.30.

Við munum að sjálfsögðu fá okkar færustu kappa, bæði fullorðna og börn, til að sýna skemmtileg körfuboltatilþrif.

Kvöldvökunni loka síðan hinir mögnuðu tónlistarmenn JóiPé og Króli.

HÉR má nálgast auglýsingu um kvöldvökuna.

Fyrir næturgesti verður risastórum degi síðan lokað með skúffuköku & mjólk á gististöðum áður en allir skríða örþreyttir ofaní pokann.

KarfaN, hagsmunafélag

BREYTING - Kvöldmaturinn á laugardeginum opnar kl. 17.30

Þar sem síðasta bíósýning laugardagsins hefst kl. 18.00 munum við opna fyrr en áætlað var í kvöldmatinn til að gefa bíógestum þeirrar sýningar kost á að mæta á slaginu og borða á sig gat.

Kvöldmaturinn á laugardeginum mun því hefjast kl. 17.30 og standa yfir til kl. 20.00